Џамијата Бодрум (турски: Bodrum Camii, или Mesih Paşa Camii) е џамија која се наоѓа во Истанбул, Турција. Таа е поранешна православна црква која била претворена во џамија од страна на Отоманската империја по падот на Константинопол. Црквата е позната по грчкото име Мирелаион (грчки: Eκκλησία του Μυρελαίου).
Џамијата Vefa Kilise (турски: Vefa Kilise Camii) е џамија која се наоѓа во Истанбул, Турција. Објектот бил граден како црква во времето на Византија во 11 век, но по падот на Константинопол таа била преврнета во џамија.
Џамијата Гул (турски Gül Camii, во превод Џамијата Роса) е поранешна црква која била претворена во џамија и која наоѓа во Истанвул, Турција. Црквата била изградена во 8 век во времето на византискиот император Лав III. Црквата била претворена во џамија по падот на Константинопол.
Џамијата Ески Имарет (турски Eski Imaret Camii) е поранешна православна црква која била претворена во џамија и која се наоѓа во Истанбул, Турција. Црквата била изградена во 1087 година од страна на Ана Даласена. По падот на Константинопол црквата била претворена во џамија.
Џамијата Zeyrek (турски: Molla Zeyrek Camii), е џамија која се наоѓа во Истанбул, Турција. Овој објект бил изграден како црква во времето на Византија и во тоа време претставувала втора по големина градба во Константинопол, веднаш по Аја Софија. Таа била изградена во периодот од 1118-1124 година.
Џамијата Календерхане (турски: Kalenderhane Camii) е поранешна православна црква која била претворена во џамија од страна на отоманците. Џамијата се наоѓа во Истанбул, Турција. Од самата градба на џамијата може да се виде византиската архитектура која била употребена при градењето на црквата.
Џамијата Кефели (турски: Kefeli Camii) е џамија која се наоѓа во Истанбул, Турција. Најпрвин, објектот бил изграден како црква во времето на Византија за да по превземањето на градот од страна на османлиите биде претворена во џамија. Црквата била посветена на Свети Никола во времето кога била католичка црква, но во времето кога станала православна, за нејзиното име сеуште се се знае. Во определен период, црквата била и базилика.
Џамијата Кока Мустафа Паша (турски: Koca Mustafa Paşa Camii) е џамија која се наоѓа во Истанбул, Турција. Овој објект бил граден како православна црква, а во џамија бил претворен по падот на Константинопол и превземањето на градот од страна на османлиите. Црквата била посветена на Свети Андреј Критски и започнала да се гради уште во 5 век во времето на Теодосиј II.
Џамијата Санџактар Хајретин (турски: Sancaktar Hayrettin Camii или Sancaktar Hayrettin Mescidi каде зборот Mescidi означуа мала џамија) е џамија која се наоѓа во Истанбул, Турција. Оваа џамија била изградена како црква во времето на Византија но по падот на Константинопол истата била претворена во џамија.
Џамијата Фенари Иса (турски: Molla Fenâri Îsâ Câmîsi, грчки :Eκκλησία του Λίβος) е џамија во Истанбул, Турција, изградена на местото на две православни цркви. Во 908 година византискиот адмирал Константин Липсго изградил манастир на местото на денешната џамија. Во времето на Латинската империја, во периодот од 1286 до 1304 година исто така била изградена и друга црква од страна на Теодора Дукина Ватацина. По падот на Константинопол црквата била претворена во џамија од страна на Бајазиt II.
Арапската џамија (турски: Arap Camii) е џамија која се наоѓа во Истанбул, Турција. На местото на оваа џамија во времето на Византија се наоѓала црквата Свети Павле и Доменик. Кога градот паднал во рацете на османлиите, самата црква била претворена во џамија. Се смета дека црквата била изградена во 6 век и била посветена на Света Ирина. За време на арапската опсада, градбата била претворена во џамија, за да по 1233 година кога градот бил во составот на Латинската империја по четвртата крстоносна војна повторно била претворена и доградена црква во чест на Свети Павле и Доменик. По падот на Константинопол во 1453 година самата црква како и многу други биле претворени во џамии.
Џамијата Атик Мустафа Паша (турски: Atik Mustafa Paşa Camii или Hazreti Cabir Camii) е поранешна православна црква која се наоѓала во Истанбул, Турција. По падот на Константинопол црквата била претворена во џамија. Долго време црквата се идентифицирала со Св.Петар, но сепак за тоа нема доволно докази. Црквата била изградена во 1059 година во времето на Исак I Комнин и долго била сочувувана од различни непригоди. Самата црква се одликувала со својата убавина и самата Ана Комнина запишала дека нејзината мајка Ана Даласена честопати доаѓала овде и ја одржувала својата богослужба. По падот на Константинопол, црквата била разрушена од земјотрес во 1509 година. Во 1512 година Мустафа Паша овој објект го претворил во џамија. Во 1729 година, во Истанбул односно во реонот Балат настанал голем пожар каде џамијата доживеала повторна катастрофа но набргу потоа повторно била обновена. Во 1894 година биле срушени минаретите но истите повторно биле изградени во 1906 година. Последната реконструкција на џамијата била во 1922 година.
Црквата Мала Света Софија (турски: Küçuk Ayasofya Camii) моментално е музеј кој се наоѓа во Истанбул, Турција. Овој објект бил граден како црква во текот на 6 век од страна на Јустин I а како модел бил земен од Света Софија. Се смета дека оваа градба е една од најважните византиски градби во Истанбул. По падот на Константинопол била претворена во џамија од страна на Бајазит II. На неколку пати била разрушувана од земјотрес и повторно реконструирана. Последната реконструкција била во 1956 година.
Орта џамија е џамија која се наоѓа во Струмица, Република Македонија. Самата архитектура на објектот го претставува византискиот период на владеење на Македонија.
Црквата се претпоставува дека била изградена некаде кон крајот на 11 век и почетокот на 12 век.
По доаѓањето на османлиите на Балканот, самата црква била претворена во џамија. Денеска, овој објект претставува археолошки локалитет и музеј.
Црквата Исус Спасител (турски: Kariye Müzesi, Kariye Camii, или Kariye Kilisesi) е црква која се наоѓа во Истанбул, Турција. Денеска овој објект е претворен во музеј. Црквата била изградена во текот на 5 век. Се наоѓа во северозападниот дел на Истанбул и претставува еден од најубавите примери на византиската архитектура. По падот на Константинопол во 1453 година, црквата била претворена во џамија. Како таква се задржала се до нејзината реконструкција во 1948 година кога била претворена во музеј.
Света Софиja или Црквата на Пресветата Мудрост (на грчки: Αγία Σοφία, турски: Ayasofya, Agίa Sofίа, латински: Sancta Sophia) е поранешната престолна црква на Византиската империја во Константинопол (денешен Истанбул), која била преобразена во џамија од страна на османлиите, кога паднал и самиот град под нивна власт на 29-ти мај во 1453 година. По 1934 година џамијата била претворена во музеј. Објектот бил изграден за само пет години (532-537).
